Një 34-vjeçar shqiptar, i kërkuar nga Interpol Tirana, ka rënë në prangat e policisë italiane.
Sipas raportimeve nga mediat italaine, mësohet se ai është gjetur në një banesë në Trastevere dhe duhet të vuajë dënimin me 4 vite burg në vendlindje.
Ditët e fundit, ndaj tij kishte mbërritur nga Shqipëria dosja për dënimin me 4 vjet burg për veprën e falsifikimit të dokumenteve.
Pas kësaj, Gjykata e Apelit Leçe ka dhënë masën e sigurimit në burg, duke deleguar për ekzekutim agjentët e Policisë së Shtetit.
34-vjeçari u gjet nga hetuesit e rrethit XI San Paolo në shtëpinë e një të njohuri, në një apartament në Trastevere. Pas akteve formale, burri u dërgua në burgun Regina Coeli në dispozicion të organeve të drejtësisë.
Sakaq mësohet se po hetohet nga hetuesit edhe pozicioni i personit që priti të kërkuarin.
